Cikli i vrasjeve të fundit! Mbyllja e gojës me plumb, nga frika e të “penduarve” të SPAK-ut

Emisioni “Pikat mbi i” kanë trajtuar sot temën e vrasjet e fundit që kanë tronditur vendin.

Analisti Artur Zheji u shpreh se së fundmi janë intensifikuar shumë vrasjet, por ata që janë ekzekutuar janë peshq të mesëm.

Ndërsa gazetarja e kronikës në News 24, Klodiana Lala hodhi dritë mbi disa prej pistave që po hetohet për ekzekutimet e Aleksandër Sadikajt dhe “Manecit” të Sukthit.

Përse krimi po vret kaq hapur?

Zheji: Mu krijua perceptimi sikur një tufë peshqish grabitqarë kërcejnë mbi ujë dhe disa peshkaqenë po i ndjekin ata. Çfarë janë këta që po vriten? Është larje hesapesh, është përshkallëzuar aksioni i policisë, apo po krijohen pole force të reja ku banditë të rinj po vrasin banditë të vjetër. Janë intensifikuar shumë vrasjet, janë peshq të mesëm.

Lala: Bie dakord që janë peshq të mesëm. Ajo që konsiderohet vrasje e rangut të lartë, janë Konomi apo Xhindi. Mua më shqetëson diçka tjetër, duke parë personazhet shoh që secili ka një specifikë të veçantë. Sadikaj pjesën më të madhe të jetës së tij ka jetuar jashtë vendit, ishte kthyer dhe kishte një pasuri miliona euro. Kishte një automjet luksoz, ai dhe bashkëjetuesja e tij. Qëndronte në vende të monitoruara prej tij. Papritmas bëhet viktimë e një atentati me eksploziv. Personat që bënë vrasjen e Sadikajt arritën edhe ta ekzekutonin, edhe të jepnin mesazhin edhe të krijonin panik te qytetarët. Për momentin që flasim është duke u hetuar pista e trafikut të lëndëve narkotike. Nëse shkojmë në vrasjen e Sukthit “Maneci” nuk ishte një personazh dosido, ishte një peshk i madh. Është ekzekutuar për larje hesapesh, por edhe për ti mbyllur gojën. Ishte një personazh që kishte informacion mbi vrasjen e gjyqtarit Konomi.

Pse nuk kishte folur deri sot?

Lala: Sepse ishte sa i përfshirë aq edhe i informuar për grupet kriminale. Ishte një personazh që kishte informacion edhe për vrasjen e Edison Arizajt, njeriu më i fuqishëm i botës së krimit në Vlorë në momentin që u ekzekutua. Dyshohej të ishte një ndër njerëzit që kishte gisht në plagosjen e Plarent Dervishajt. Përveç larjes së hesapeve iu mbyll goja. Maneci mund të pendohej në të ardhmen, mund të dërgonte prapa hekurave bosë të mëdhenj të botës së krimit. Ky rast është mirëfilli krim i organizuar.

Zheji: Rezulton një presion i paidentifikuar që ka vënë përpara botën e krimit. Ose janë disa banda që po rikontrollojnë terrenin , ose është struktura e SPAK, apo një kombinim i të dyja. Pasi urgjenca më e madhe është zhdukja e të penduarve. Mendoj që ka disa struktura të reja që po luftojnë me këtë që kanë territorin e tanishëm. Rasti i Dumanit ka krijuar një panik të madh. Tek rasti i Skerdilajd Konomi është një vrasje e porositur.

 

 

Gazetarja Lala: Ka dy arsye që u ekzekutua, së pari që të mos ishte i penduar i drejtësisë. Në 2009 ka pasur një numër të lartë të ngjarjeve me eksploziv, dhe kemi pasur edhe në 2013 dhe 2014 që ndodhi e njëjta gjë. Mendoj që kjo është hera e 4 që grupet kriminale po ridimensionohen. Në momentin kur grupet e tjera përplasen atëherë lojtarë të rinj fitojnë terren dhe po të shohim po ridemensionohen të gjitha grupet kriminale. Krimi sot jo vetëm po kërkon terren por në disa qytete nuk është i trembur nga revanshi i institucioneve. Volra që nga koha e Julian Sinanit nuk është prekur nga asnjë i penduar drejtësie.

Zheji: Të penduarit dalin nga dëshpërimi dhe jo nga qejfi. Shumica e tyre janë pa rrugëdalje… Në rastin e Dumanit e pa veten që njerëzit që e porositën për të bërë vrasje, kishin vënë atë si target. Por shihet që po bëhen gati disa grupe të reja për të dominuar dhe marrë terren. vrasja e Santos në 2013 nuk është koicidencë që është vit ndërrimi elektoral…Santo nuk është vrarë për një detyrim për disa mln euro…Në fakt ishte frika se Santo kishte shumë informacion mbi transaksione të mëdha bankare.

 

360grade.al

Kush ja vuri policëve pistoletën te koka në Elbasan? Zheji: Papleka, vrasës? Apo u vetëmbrojt?

Të tjera