» Firmoset marrëveshja për rindërtimin pas tërmetit/ Italia i jep Shqipërisë 90 mln euro kredi të butë dhe 5 mln euro grante

Firmoset marrëveshja për rindërtimin pas tërmetit/ Italia i jep Shqipërisë 90 mln euro kredi të butë dhe 5 mln euro grante

Firmoset marrëveshja me qeverinë italiane për të materializuar angazhimin që Italia mori në Konferencën Ndërkombëtare të Donatorëve që t’i ofrojë Shqipërisë prej 95 milionë euro, nga të cilat 5 milionë euro grant për rindërtimin e objekteve publike, që dolën jashtë funksionit nga tërmeti i 26 nëntorit.

Marrëveshja u firmos prej ministrit të Rindërtimit, Arben Ahmetaj dhe ambasadorit italian, Fabricio Bucci.

Siç sqaroi gjatë fjalës së tij edhe ministri Ahmetaj, “Kredia e butë prej 90 milionë euro do të angazhohet: “Në sektorin e energjisë, për përmirësimin e mëtejshëm të linjave të transmetimit, në zhvillimin e ekonomisë së detit, për përmirësimin e infrastrukturës portuale dhe peshkimit, në rritjen e kapaciteteve për përballimin e fatkeqësive natyrore, me përmirësimin e flotës dhe fuqizimin e burimeve njerëzore të emergjencave civile, ku eksperienca e mirënjohur botërisht e Italisë dhe asistenca e vëllezërve italianë, do të jenë një ndihmë e çmuar për Shqipërinë”.

Fabricio Bucci, gjatë fjalës së tij tha se kjo marrëveshje tregon mbi të gjitha “Marrëdhëniet e veçanta që ekzistojnë mes nesh jo vetëm si miq por edhe si vëllezër”.

360grade.al

farma
Ulërima e Xhunglës shqiptare, kafshime dhe kurthe dhe…

Të tjera