» Ulje temperaturash dhe reshje lokale në zonat malore, ja si do të jetë moti këtë javë

Ulje temperaturash dhe reshje lokale në zonat malore, ja si do të jetë moti këtë javë

Pas një jave të “zjarrtë” me temperatura tepër të larta, kjo javë duket se do të vijë më e freskët.

Sipas Meteoalb, moti për këtë javë do të jetë kryesisht i qëndrueshëm, ndërsa sa i përket vlerave termike do të kemi një rënie të tyre duke bërë që ato të shkojnë në vlerat tipike për muajin në të cilin ne ndodhemi.

Meteorologu, Akil Osmani, në një lidhje me skype për emisionin “Ditë e Re” në Rtv Ora zbuloi më shumë rreth vlerave në të cilat do të luhaten temperaturat.

Osmani: Vlerat minimale në zonat malore priten të luhaten nga 12 në 13 gradë celsiues, ndërsa vlerat maksimale priten të luhaten nga 33 në 34 gradë celsius përgjatë ulësirës perëndimore. Pritet të kemi një rënie me 4-5 gradë nga java e kaluar.

Në zonat malore do të ketë edhe reshje të karakterit lokal.

Osmani: Kjo javë do të jetë me mot më të freskët dhe qëndrueshëm, edhe pse në zonat malore pritet të kemi reshje të karakterit lokal deri ditën e premte, herë pas here do të jenë edhe në formën e rrebesheve.

Ndërkohë fundjava do të sjellë mot edhe më të paqëndrueshëm, ku vranësirat do të jenë më prezente në vend dhe reshjet më të dukshme jo vetëm në zonat malore, por edhe gjatë ultësirës perëndimore.

Osmani: Pritet të kemi reshje të karakterit lokal dhe afatshkurtra Reshjet do të jenë gjatë orëve të mesditës dhe pasdites.

360grade.al

farma
Ulërima e Xhunglës shqiptare, kafshime dhe kurthe dhe…

Të tjera