Për akademikun Fuga nuk është problem reforma apo Kodi Zgjedhor, por fakti se kemi klasën më të vjetër politike në botë dhe më të dështuarën.

Reagimi i Artan Fugës:

Klasa më e vjetër politike në botë
——————–
Elektorati i Shqipërisë pret kodin e ri zgjedhor! A do të jetë ai që të ruajë monopolin politik të partisë në pushtet, dhe të partisë në opozitë, apo do të jetë për garë të hapur që ta rinovojë klasën e vjetër politike në Shqipëri!

Klasa më e vjetër politike në botë!

Nuk është fare problemi se çfarë sistemi zgjedhor do të adoptohet. Cdo sistem zgjedhor ka të mirat dhe të këqiat e veta.

Puna është se Kodin Zgjedhor po e bëjnë ata që zgjidhen dhe jo ata që zgjedhin!

Ky është paradoksi shqiptar, absurdi shqiptar, korrupsioni politik shqiptar, baza e të gjitha korrupsioneve të tjera morale, ekonomike, administrative!

Ne kemi klasën politike më të vjetër në botë. Por, që aktualisht është më e dështuara, vendi pa Gjykatë Kushtetuese, pa Gjykatë të lartë, jashtë Bashkimit Evropian, me administratë prej militantësh, pa pronë të ligjëshme kthyer te i Zoti, për ibret!

Një kod zgjedhor bëhet i pranueshëm ose jo, merr kuptim vetëm kur ai shihet si integrohet me të gjithë sistemin e qeverisjes të një vendi, me traditat kulturore të tij, me gjendjen e demokratizimit të partive politike, me rregulloren e Kuvendit, me Kushtetutën!

Bëni Kodin Zgjedhor më të mirë, nëse kuadri ku ai futet është i dehur çakërqejf, i korruptuar, i degjeneruar, i lodhur, kurrë nuk ka për të patur përfaqësim të drejtë elektoral.

Këtë e di edhe Mbretëresha e Danimarkës, jo vetëm presidenti i saj!

(BalkanWeb)