» Foshnja me sëmundje të rrallë do niset në Gjermani. Çifti i ri falenderon me shpirt shqiptarët!

Foshnja me sëmundje të rrallë do niset në Gjermani. Çifti i ri falenderon me shpirt shqiptarët!

Këtë të martë në emisionin maratonë “Shqiptarët për shqiptarët” u mblodhën brenda natës 40.000 eurot e operacionit të Eljas.

Fëmija i parë i çiftit Meçani nga Libohova ka lindur më një plagë të madhe të hapur në shpinë, një sëmundje e rrallë kjo e cila prek foshnjat që në fetus duke lënë pasoja të parikuperueshme gjatë gjithë jetës nëse nuk operohet në kohën e duhur.

Mjekët shpjeguan se palca kurrizore e Elias nuk është e mbrojtur, pasi ajo del nga kanali i shtyllës kurrizore duke sjellë kështu dëmtime të nervave që kontrollojnë lëvizjet e gjymtyrëve dhe funksione të tjera jetësore.

Sëmundja e rrallë sipas mjekëve quhet “spina bifida aperta” por tashmë Elja të ketë mundësinë që të kryejë operacionin e nevojshëm në Gjermani pasi paratë e operacionit janë mbledhur nga donatorët. Prindërit e Eljas kanë falënderuar me zemër shqiptarët që iu gjendën pranë dhe shpëtuan jetën e fëmijës së tyre teksa bëjnë përgatitjet e fundit para udhëtimit për në Gjermani.

“Po e shikonim live ne facebook dhe paratë u mblodhën, e pabesueshme”,-thotë halla e Eljas.

“I jam shumë mirënjohës të gjithëve, ishte një shumë e madhe, nesër ne nisemi në Gjermani kemi shumë shpresë”,-thotë Erjoni babai i foshnjës. “U mblodhën paratë për vajzën nesër do ikim në Gjermani jam shumë e lumtur, mu kthye buzëqeshja për vajzën time, do i shpëtohet jeta”,-thotë e ëma e Eljas./bw

360grade.al

farma
Presioni i ambasadorëve, apo “topi te Luli Basha”…

Të tjera