» Kriminelët e Ramës po drejtojnë bashkitë, armiku i Drejtësisë ka bllokuar çdo hetim kundër tyre

Kriminelët e Ramës po drejtojnë bashkitë, armiku i Drejtësisë ka bllokuar çdo hetim kundër tyre

Enkelejd Alibeaj, ish-ministër i Drejtësisë, denoncoi sot nga selia e PD-së, mungesën e plotë të reagimit, me qëllim, nga ana e Prokurorisë, për të hetuar krimin zgjedhor.

“Kriminelët e Ramës vazhdojnë të drejtojnë bashkitë prej mosveprimit të Prokurorisë, – tha Alibeaj. – PD ka tre muaj që ka referuar në Prokurori, rastet flagrante të shkeljes së ligjit dhe manipulimin e votave më 30 Qershor dhe deri tani nuk ka asnjë person të hetuar, as të arrestuar. Po veprohet kundër vullnetit të BE për luftën kundër korrupsionit për hapjen e negociatave.

“Pavarësisht se flet nga mëngjesi në darkë për drejtësinë dhe qytetarët, – tha ish-deputeti, – Edi Rama është një nga armiqtë më të mëdhenj të drejtësisë së pavarur dhe zgjedhjeve demokratike. Me kontrollin e plotë mbi prokurorinë, Edi Rama ka bllokuar çdo veprim të drejtësisë kundër atyre që blejnë vota, kundër kriminelëve që përdoren më zgjedhje, kundër komisionerëve që manipulojnë rezultatin për të mbajtur në këmbë pushtetin e korruptuar dhe kriminal të Edi Ramës.

Me kontrollin e plotë mbi prokurorinë Edi Rama ka stopuar verifikimin e kriminelëve të tij në të paktën 3 bashki të vendit, për të cilët Partia Demokratike ka sjellë dokumenta të pakundërshtueshëm.

Megjithëse kanë kaluar disa javë nga denoncimi i tyre, kriminelët e Ramës vazhdojnë të drejtojnë bashkitë, vazhdojnë të  mos përballen me drejtësinë për shkak të mosveprimit të prokurorisë.

Prej më shumë se 3 muajsh, Partia Demokratike ka referuar në prokurori krimin shtetëror të 30 Qershorit, rastet flagrante të blerjes së votave, presionit mbi administratën, shkeljen flagrante të ligjit nga komisionerët e të gjitha niveleve, manipulimin e votave në 30 Qershor, por organi i prokurorisë nuk ka bërë asnjë veprim.

Deri tani:
Nuk ka asnjë procedim penal të regjistruar.
Nuk ka asnjë person të hetuar.
Nuk ka asnjë person të arrestuar.

Nën kontrollin e Edi Ramës po veprohet kundër vullnetit të Bashkimit Europian për nisjen e negociatave të anëtarësimit me Shqipërinë. Hetimi i krimeve elektorale është një nga 9 kushtet e vendosura nga  Bundestagu gjerman për hapjen e negociatave me Shqipërinë, por prokuroria hesht. Hajdutët e votave janë të paprekshëm. Ata nuk hetohen dhe nuk ndëshkohen, sepse i shërbejnë pushtetit të korruptuar dhe të kriminalizuar të Edi Ramës.

Duke mos regjistruar zyrtarisht asnjë procedim penal që lidhet me zgjedhjet, Prokuroria ka zhvlerësuar  edhe ODIHR-in, i cili thekson se ishte dëshmitar i rasteve të kërcënimit të votuesve dhe shkeljes së fshehtësisë së votës në qendrat e votimit.

Mosveprimi i prokurorisë për të ndëshkuar krimet zgjedhore që mbajnë në pushtet Edi Ramën, është treguesi më i qartë i mungesës së vullnetit politik të kryeministrit për të zhvilluar zgjedhje të lira e të ndershme.

Edi Rama është pengesa e vetme që Shqipëria nuk bën dot zgjedhje si në Kosovë apo në vende të tjera, ku demokracia funksionon vërtet.

Mungesa e vullnetit politik të kryeministrit për zgjedhje të lira e të ndershme ka bllokuar zbatimin e planit me 5 pika të opozitës së Bashkuar për realizimin e një reforme të vërtetë elektorale, një plan që është pikënisje për zgjidhjen e krizës së rëndë të vendit

 

LIVE – Enkelejd Alibeaj deklaratë për mediat

Geplaatst door Partia Demokratike e Shqipërisë op Woensdag 9 oktober 2019


360grade.al


Videoeditoriali i Zhejit/ Çfarë e nervozon Ramën? Çfarë e tremb?!

Të tjera