» 48 orë nga vendimi i KAS-it, 7 arsye pse Skënderbeu shpreson te mrekullia

48 orë nga vendimi i KAS-it, 7 arsye pse Skënderbeu shpreson te mrekullia

Pritja në radhët e bardhekuqve po shkon drejt fundit. Në Korçë mbeten edhe 48 orë për të mbyllur përfundimisht atë pritje që prej kohësh ka bërë që të vuajnë dhe të shpresojnë se e gjithë kjo do të jetë një ëndërr e keqe. Mungesa e Europës ka qenë një makth për Skënderbeun në veçanti, por edhe për kampionatin shqiptar në tërësi, pasi shumë gjëra kanë ndryshuar.

kas skenderbeu

Në kushte të tilla, shpëtimi i vetëm është KAS dhe korçarët janë me sy e veshë nga Lozana për të mësuar të ardhmen e këtij klubi, nëse do të jetë sërish e mbushur me lavdi apo do të ketë një tjetër rrjedhë për ekipin bardhekuq. Në kampin e Skënderbeut optimizmi është maksimal. Gjithçka ka nisur që pas seancës dëgjimore, atje ku bardhekuqtë u mbrojtën më së miri sipas të dhënave që vijnë nga studioja ligjore. Në kushtet kur kjo studio dha përshtypjen e saj të parë sapo u njoh me dosjen e Skënderbeut edhe arsyen që ekipi ishte dënuar. Avokatët e Skënderbeut pretenduan që në start se dënimi është dhënë pa prova konkrete.

Së dyti, ishte mungesa e fakteve konkrete, por vetëm referim mbi lëvizjen e koefiçentëve dhe jo mbi prova reale apo të prekshme se ky ekip ka trukuar. Mungesa e dëshmitarëve, mungesa e audio-përgjimeve apo e personave të penduar bëjnë që te Skënderbeu besojnë se gjithçka do të mbyllet mirë.

Së treti, personat e specializuar në lojën e futbollit që bënë edhe analizën e ndeshjeve të dyshuara si të trukuara nga ana e Skënderbeut tashmë janë të tërhequr dhe në KAS nuk janë marrë aspak për bazë. Ky është një plus shumë i madh për bardhekuqtë, që kanë kështu një kundërshtar më pak. Nga ana tjetër, edhe juristët që përpiluan atë dosje voluminoze të Skënderbeut, duke futur atje materiale të shumta dhe duke i paraqitur si prova, nuk janë më pjesë e organit të UEFA-s dhe kjo e lehtëson shumë punën e KAS-it.

Skenderbeu

Së katërti, në listën e basteve të vëna ekzistojnë shifra marramendëse, madje edhe të çuditshme, mbi ndeshjet e dyshuara. Por ajo që është më e çuditshme në këtë pikë është fakti se asnjë prej basteve të vëna apo aq më shumë ato të fituara nuk e kanë një emër konkret. Nuk dihet se kush ka fituar apo kush ka humbur në këtë pikë dhe të gjithë janë në kërkim të një njeriu që nuk ekziston.

Së pesti, studioja e angazhuar nga Skënderbeu, “De Pfyfer” është një prej më prestigjiozeve dhe me shumë përvojë në të tilla çështje. Që në momentin kur është njohur me dosjen kanë shprehur bindjen se ia dalin, bindje që sa vinte dhe bëhej më e fortë, aq sa ajo dosje voluminoze prej më shumë se 100 faqesh gati u përgjysmua në KAS.

Së gjashti, analiza e lëvizjes së koefiçentëve sipas asaj çka qarkullon në klub nuk është bërë nga persona të posaçëm dhe të arsimuar për këtë gjë, por nga teknikë të thjeshtë IT-je.

Së shtati, për të mbyllur gjithçka, shtyrja e vendimit dhe zgjatja e konkluzioneve nga ana e KAS-it përkthehet si tejet pozitive nga ana e klubit bardhekuq. Kjo, pasi, sipas tyre, nëse analizohet juridikisht, kundërshtimi i një vendimi të dhënë kërkon më shumë kohë për t’u argumentuar. Dhe, nëse vendimi do të lihej në fuqi koha do të ishte më e kufizuar.

Llazi Saro

 


360grade.al


Videoeditoriali i Zhejit/ Çfarë e nervozon Ramën? Çfarë e tremb?!

Të tjera