» Lëngjet e frutave shkaktojnë vdekje të parakohshme. Ja rezultatet e një studimi 6-vjeçar në Amerikë

Lëngjet e frutave shkaktojnë vdekje të parakohshme. Ja rezultatet e një studimi 6-vjeçar në Amerikë

Lëngu i frutave mund të jetë edhe më i keq për shëndetin se sa pirja e kolës apo limonadave të ndryshme, sipas një studimi amerikan,ku morën pjesë 13,000 të rritur. Rezultatet treguan se një gotë e madhe me lëng frutash në ditë, mund të rriste rrezikun e vdekjes së parakohshme.

Studiuesit deklaruan se përmbajtja e fruktozës së pijeve të tilla mund të ngrejë rezistencën e insulinës dhe stimulon hormonet që nxisin depozitimin e yndyrës rreth belit. Të dy këto efekte mund të rrisin mundësinë e prekjes ndaj sëmundjeve të zemrës dhe diabetit. Konsumimi i një gotë prej 340ml në ditë, e një pije me sheqer të lartë si kola, lidhej me një rritje të rrezikut prej 6%, të vdekjes së parakohshme gjatë studimit gjashtëvjeçar.

Dr. Gunter Kuhnle, profesor i asociuar në të ushqyerit dhe shëndetin në Universitetin e Reading, është shprehur:

 “Ky është një studim shumë i rëndësishëm, sidomos pasi lëngjet e frutave shpesh shihen si një alternativë ‘e shëndetshme’ ndaj pijeve me sheqer, edhe pse shpesh përmbajnë shumë më shumë sheqer (sidomos smoothies). “Lëngjet e frutave janë një zëvendësim i dobët për konsumin e frutave aktuale’’- tha ai.

Sipas studiuesve, në vend që të konsumojmë vetëm lëngje frutash në sasi të mëdha, duhet t’i zëvendësojmë ato me sa më shumë ujë dhe konsumim frutash.


360grade.al


Urrejtje dhe plaçkitje apo përndryshe historia jonë…

Të tjera