» Maqedoni, miratohet projektligji për ndryshimet kushtetuese

Maqedoni, miratohet projektligji për ndryshimet kushtetuese

Nga sot, Republika e Maqedonisë do të quhet Republika e Maqedonisë së Veriut. Kuvendi i Maqedonisë ka miratuar me 81 vota pro ndryshimet kushtetuese duke zyrtarizuar emrin e ri të shtetit Republika e Maqedonisë së Veriut.

Deputetët me shumicë votash kanë miratuar amendamentet 33, 34,35, 36 të propozuar nga Qeveria dhe partitë aleate.

Pas tre ditëve të seancës së caktuar, Kuvendi sot mbylli votimin, duke pranuar edhe propozimet e dy partive shqiptare Aleanca për Shqiptarët dhe Lëvizja BESA, që kanë të bëjnë me ndryshimet në pjesën e shtetësisë si dhe përkujdesjen për diasporën. Përmes këtyre propozimeve janë pranuar disa nga kërkesat e partive shqiptare.

Amendamentet ishin pjesë e Marrëveshjes së emrit të firmosur në Prespë qershorin e kaluar midis Athinës dhe Shkupit. Sipas marreveshjes, emri Republika e Maqedonisë ndryshohet në Republika e Maqedonisë së Veriut.

Ndërkohë para Kuvendit vazhdojnë protestat e qytetarëve të cilët nuk pajtohen me ndryshimet kushtetuese.


360grade.al


Videoeditoriali i Zhejit/Ja përse do ta kërkojmë Ramën, kur të mos jetë…

Të tjera