» Erë lufte në Ballkan, SHBA dërgon mjete ushtarake të blinduara në Shqipëri

Erë lufte në Ballkan, SHBA dërgon mjete ushtarake të blinduara në Shqipëri

Ndërkohë që flitet për një situatë të tensionuar mes Rusisë dhe Perëndimit për bombardimet në Siri, era e luftës po ndihet edhe në Ballkan.

Mediat dhe autoritetet amerikane e kanë cilësuar situatën më të tensionuar se në kohën e Luftës së Ftohtë.

Në këtë situatë edhe Shqipëria duket se po pajiset me mjete të reja ushtarake.

Ditën e sotme ka pasur qytetarë në autostradën Tiranë-Durrës, të cilët janë habitur teksa kanë parë që po qarkullonin në rrugë mjete të blinduara të ushtrisë.

Besohet se mjetet e reja të blinduara janë pjesë e dhuratës së Shteteve të Bashkuara të Amerikës e cila dërgoi 248 mjete me vlerë 12 milionë dollarë, ku Shqipëria do të paguajë vetëm shpenzimet për transportin dhe mirëmbajtjen e këtyre mjeteve.

Automjetet e blinduara për transport janë të markës HMMËV 1114 dhe kanë shpejtësi maksimale 125 km/h, kapacitet mbajtës 1+3+1 pushkatar, peshojnë 6 ton, si dhe kanë autonomi lëvizjeje 443 km. Mjetet e blinduara janë të pajisura me sistem të mbajtjes së armëve mitraloz të rëndë dhe mitraloz të lehtë si dhe granatë-hedhës.

Këto mjete do të përdoren për rinovimin e flotës së automjeteve aktuale. Ato janë të pajisura me armatime dhe standarde të blindave që përdorin ushtritë e NATO-s.


360grade.al


Parashikime te zymta për ardhmërinë e PD

Të tjera