» Sërish lajm i trishtë, ndahet nga jeta ish-trajneri i kombëtares

Sërish lajm i trishtë, ndahet nga jeta ish-trajneri i kombëtares

Pas lajmit të trishtë për ndarjen nga jeta në mënyrë të parakoheshme të mesfushorit shqiptar Labinot Harbuzi, bota e futbollit shqiptar është tronditur sërish.

Bëhet fjalë për një tjetër ndarje nga jeta këtë herë ish-trajneri i kombëtares së moshave, Filip Xhaji. Filip Xhaji, i cili ka qenë edhe lojtar i Lokomotivës, sot Teuta e Durrësit, ka drejtuar ekipin kombëtar të moshave nga 11-19 vjeç.

Lajmi për ndarjen nga jeta të Xhajit është dhënë nga FSHF, e cila ka shprehur ngushëllimet familjes së Xhajit dhe ekipit të Durrësit.

Reagimi i plotë i FSHF-së:

LAMTUMIRË FILIP XHAJI!

Futbolli durrësak ndjehet në zi për humbjen e një mjeshtri të shquar si Filip Xhaji. FSHF ndjen keqardhje për këtë lajm të hidhur dhe është pranë familjarëve të të ndjerit si dhe tërë komunitetit të madh futbolldashës së Durrësit. Filip Xhaji ka qenë një futbollist që punoi fort bashkë me brezin e lojtarëve të mirë të vitëve 1955-1970 të “Lokomotivës” së dikurshme (sot Teuta) për të ridimensionuar vlerat e traditat më të mira të futbollit në qytetin bregdetar.

Pas lënies së karrierës ka punuar shumë vite në detyrën e trainerit. Kryesisht për moshat e reja nga 11-19 vjec. Për shumë vite me radhë është përkujdesur në Durrës për talentetet e reja, afirmimin e tyre jo vetëm te Teuta por edhe në ekipet Kombëtare të grupmoshave dhe Kombëtaren e madhe kuqezi të Shqipërisë. Federata Shqiptare e Futbollit i shpreh ngushëllimet më të sinqerta familjes se mjeshtrit durrësak Filip Xhaji.


360grade.al


Pse ka shpallur sulm dhe çfarë parandjen KM-ja?

Të tjera