» Salianji në Prokurori për “Babalen”: Më paditi Agron Xhafaj, rrjedha e hetimit ka ndryshuar

Salianji në Prokurori për “Babalen”: Më paditi Agron Xhafaj, rrjedha e hetimit ka ndryshuar

Deputeti i PD, Ervin Salianji ishte sot në Prokurori me cilësinë e të akuzuarit për “kallzim të rremë”. Ai u morr në pyetje nga përfaqësuesit e akuzës për audio-përgjimin e pretenduar  Xhafaj-Babalja. Po ashtu ai do të pyetet dhe për videon e publikuar prej tij ku pretendohet se Drejtori i Përgjithshëm i Policisë Ardi Veliu, ka  ushtruar  presion ndaj  Fredi Alizotit, të cilit i është dhënë masa arrest me burg nga gjykata me akuzën, kallëzim të rremë për  çështjen, “Babalaja”.

Dëshmia e tij ka zgjatur gati dy orë. Për gazetarët jashtë dyerve të prokurorisë Salianji u shpreh se rrjedha e hetimit ka ndryshuar.

“Prokurorët ishin shumë të qartë dhe pa asnjë lloj dileme. Unë sot jam person në hetim për shkak se kallëzuesi, viktimë më ka kallëzuar mua dhe gazetarin investigativ. Agron Xhafaj viktima kallëzuese nuk ka ardhur si person në hetim por si person që na kallëzuar ne. Rrjedha e hetimit ka ndryshuar. Kam dhënë dhe fakte të tjera që Taulanti prej Librazhdi dhe Ard Veliu nga Delvina kanë dhënë një pako të mirë për dëshmitarin.

Pyetjes se cilës video i besojnë Fredi Alizotit, videos së parë apo të dytë Salianji u përgjigj: “Unë besoj në Zot tek Alizoti beson Edi Rama”

Në 12:00 është thirrur Basha 

Sot është ftuar për tu paraqitur në Prokurori për dy çështje të ndryshme  kryetari i Partisë Demokratike Lulzim  Basha dhe deputeti Ervin Saljanji.

Basha është thirrur në prokurorinë e Tiranës në orën 12, pas procedimit të nisur për shpërdorim detyre të ish-oficerit Emiljano Nuhu në çështjen “ Xhisiela”.  Prokuroria e Tiranës u shndërrua në institucionin pritës të padive të ndërsjellta me deklarata politike mes maxhorancës e opozitës për çështjen Xhisiela.

Partia Demokratike paditi kryeministrin Edi Rama, pas deklaratës së tij se do ta ndiqte ish-oficerin Nuho këmba-këmbës, ndërsa kreu i grupit të PS Taulant Balla paditi Bashën dhe disa deputetë të PD për shpifje. Por ndërkohë në të njëjtën  ditë por jo në të njëjtin orar, deputeti Ervin Saljanji është thirrur në Prokurorinë e Krimeve të Rënda si person nën hetim për çështjen Babalja.


360grade.al


Kryeministri nën efektin e marrëzisë së madhështisë, e shndrron protestën në kryengritje!

Të tjera