» Ronaldo në Torino? Juventusi jep lajmin e keq për tifozët

Ronaldo në Torino? Juventusi jep lajmin e keq për tifozët

Zyrtarizimi i Kristiano Ronaldos te Juventusi ka qenë normalisht lajmi më i bujshëm i kësaj merkato vere.

Tifozët jubentinë mezi po presin prezantimin e portugezit në Torino ku ai do pozojë për herë të parë me fanellën bardhezi.

Megjithatë, lajmi i keq vjen sot nga klubi torinez që ka befasuar dhe zhgënjyer tifozët.

Për lojtarin më të mirë në botë nuk do ketë asnjë prezantim special. Thjesht, vizita mjekësore, firma dhe më pas konferenca për shtyp.

Kështu, “Juventus Stadium” do të jetë i mbyllur dhe nuk do të ketë prezantim para 40 mijë tifozëve.

Sipas medieve, ky vendim ka ardhur për të shmangur kaosin, teksa në Portugali flasin se ka qenë vetë CR7 që e ka kërkuar të mos jetë kaq e bujshme.

Ndërkohë, Juventusi ka menduar se duke e trajtuar si diçka normale do t’i bënte mirë edhe pjesës tjetër të skuadrës.


360grade.al


Vdekja, ky udhëtim pa kthim…

Të tjera